Раздзел 2. Гарызантальная дарожная разметка

• 3. Гарызантальная дарожная разметка (калі не вызначана іншае, далей — разметка) дзеліцца на пастаянную і часовую.

  Пастаянная разметка мае белы колер, акрамя ліній разметкі 1.4, 1.10, 1.17.1, 1.17.2, 1.26, якія маюць жоўты колер. Лініі разметкі 1.1–1.3, 1.5, 1.6, 1.11 могуць мець жоўты колер у выпадках, вызначаных дадзеным дадаткам. Разметка 1.14.2 мае элементы жоўтага колеру.

  Часовая разметка мае аранжавы колер і выкарыстоўваецца ў месцах правядзення рамонтных і іншых работ на дарозе, у выпадках аператыўнага змянення ў арганізацыі дарожнага руху, звязанага з забеспячэннем яго бяспекі або правядзеннем спецыяльных мерапрыемстваў.

  Калі часовая разметка супярэчыць пастаяннай, удзельнікі дарожнага руху павінныя кіравацца часовай разметкай.

• 4. Лініі разметкі 1.1–1.3 перасякаць забараняецца, за выключэннем выпадкаў прымянення лініі разметкі 1.1 для пазначэння межаў месцаў стаянкі транспартных сродкаў і лініі разметкі 1.2 белага колеру, якая размяшчаецца справа ад кіроўцы для прыпынку транспартнага сродку на ўзбочыне (злева ад кіроўцы для выезда транспартнага сродку з узбочыны пасля яго прыпынку), а таксама ў выпадку падзелу пешаходных і веласіпедных плыняў на тратуарах і ў іншых месцах, падзелу веласіпедных плыняў на веласіпеднай дарожцы з двухбаковым рухам веласіпедаў.

  Лінію разметкі 1.1 дазваляецца перасякаць таксама для абгону адзіночнага транспартнага сродку, які рухаецца з хуткасцю менш за 30 км/г, і для аб'езду нерухомай перашкоды на дарозе, якая стварае небяспеку для руху.

• 5. Лініі разметкі 1.5–1.8 дазваляецца перасякаць з любога боку, акрамя скрыжаванняў, на якіх не арганізаваны кругавы рух.
• 6. Лінію разметкі 1.9 на ўчастку дарогі паміж рэверсіўнымі святлафорамі дазваляецца перасякаць, калі яна размешчана справа ад кіроўцы. Пры ўключаных зялёных сігналах рэверсіўных святлафораў лінію разметкі 1.9 дазваляецца перасякаць з любога боку, калі яна падзяляе палосы, па якіх рух дазволены ў адным напрамку. Пры адключэнні рэверсіўных святлафораў кіроўца павінен неадкладна перастроіцца ўправа за лінію разметкі 1.9. Пры выключаных рэверсіўных святлафорах або забараняльным сігнале на іх лінію разметкі 1.9, якая знаходзіцца злева, перасякаць забараняецца.
• 7. Лінію разметкі 1.11 дазваляецца перасякаць толькі з боку перарывістай лініі, а з боку суцэльнай — толькі пры завяршэнні абгону або аб'езду перашкоды.
• 8. У выпадках, калі значэнні ліній разметкі і дарожных знакаў супярэчаць адно аднаму, удзельнікі дарожнага руху павінныя кіравацца дарожнымі знакамі.
• 9. Устанаўліваюцца наступныя віды і прызначэнні разметкі:
• 1.1.
  
  Раздзяленне транспартных патокаў супрацьлеглых напрамкаў (можа мець жоўты колер).
  Пазначэнне межаў палос руху на небяспечных участках дарогі.
  Пазначэнне межаў праезнай часткі дарогі, на якія ўезд забаронены.
  Пазначэнне межаў месцаў стаянкі транспартных сродкаў на пляцоўках, спецыяльна адведзеных для стаянкі.
  Пазначэнне астраўкоў бяспекі (у выпадках, вызначаных у пэўным парадку Міністрам унутраных спраў).
  Падзел пешаходных і веласіпедных патокаў на тратуарах і ў іншых месцах, а таксама падзел веласіпедных патокаў на веласіпеднай дарожцы з двухбаковым рухам веласіпедаў.
  
• 1.2.
  
  Пазначэнне краю праезнай часткі дарогі (можа мець жоўты колер)
• 1.3.
  
  Раздзяленне транспартных патокаў супрацьлеглых напрамкаў на дарогах без раздзяляльнай паласы, якія маюць чатыры і болей палос руху (можа мець жоўты колер)
• 1.4.
  
  Пазначэнне месцаў, дзе забароненыя прыпынак і стаянка транспартных сродкаў, акрамя маршрутных транспартных сродкаў (наносіцца каля края праезнай часткі дарогі або па версе бардзюра)
• 1.5.
  
  Раздзяленне транспартных патокаў супрацьлеглых напрамкаў на дарогах, якія маюць дзве ці тры паласы руху (можа мець жоўты колер).
  Пазначэнне межаў палос руху пры наяўнасці дзвюх і болей палос, прызначаных для руху ў адным напрамку
• 1.6.
  
  Пазначэнне набліжэння да суцэльнай лініі падоўжнай разметкі (можа мець жоўты колер)
• 1.7.
  
  Пазначэнне палос руху ў межах cкрыжавання
• 1.8.
  
  Пазначэнне мяжы паміж паласой разгону ці тармажэння і асноўнай паласой праезнай часткі дарогі (на скрыжаваннях, перасячэннях дарог у розных узроўнях, у зоне пунктаў прыпынку маршрутных транспартных сродкаў, на іншых аб’ектах)
• 1.9.
  
  Пазначэнне межаў палос руху, на якіх ажыццяўляецца рэверсіўнае рэгуляванне
• 1.10.
  
  Пазначэнне месцаў, дзе забаронена стаянка транспартных сродкаў (наносіцца каля края праезнай часткі дарогі ці па версе бардзюра)
• 1.11.
  
  Раздзяленне транспартных патокаў супрацьлеглых ці спадарожных напрамкаў на ўчастках дарог, на якіх перастраенне дазволена толькі з боку перарывістай лініі (можа мець жоўты колер).
  Пазначэнне месцаў, прызначаных для разварота, выезда ці ўезда з пляцовак стаянкі, аўтазаправачных станцый і іншых аб’ектаў
• 1.12.
  
  Пазначэнне месца спынення транспартнага сродку — «стоп-лінія»
• 1.13.
  
  Пазначэнне месца, дзе кіроўца абавязаны саступіць дарогу транспартным сродкам, якія рухаюцца па дарозе, што перасякаецца
• 1.14.1.
  
  Пазначэнне нерэгулюемага пешаходнага перахода — «зебра»
• 1.14.2.
  
  Пазначэнне нерэгулюемага пешаходнага перахода ў месцах павышанай небяспекі
• 1.14.3.
  
  Пазначэнне пешаходнага перахода, абсталяванага дарожнымі святлафорамі
• 1.15.
  
  Пазначэнне месца, дзе веласіпедная дарожка перасякае праезную частку дарогі
• 1.16.1.
  
  Пазначэнне астраўкоў, якія раздзяляюць транспартныя патокі супрацьлеглых напрамкаў
• 1.16.2.
  
  Пазначэнне астраўкоў, якія раздзяляюць транспартныя патокі аднаго напрамку
• 1.16.3.
  
  Пазначэнне астраўкоў у месцах зліцця транспартных патокаў
• 1.17.1.
  
  Пазначэнне пунктаў прыпынку маршрутных транспартных сродкаў і стаянак таксі
• 1.17.2.
  
  Пазначэнне мяжы зоны пункта прыпынку трамвая, які размешчаны на адным узроўні з праезнай часткай дарогі
• 1.18.1–1.18.12.
  
  Пазначэнне напрамкаў руху па палосах:

  — 1.18.1 — толькі прама;

  — 1.18.2 — толькі направа;

  — 1.18.3 — налева, а таксама на разварот у выпадку нанясення разметкі ў крайняй левай паласе руху ў дадзеным напрамку;

  — 1.18.4 — прама і направа;

  — 1.18.5 — прама і налева, а таксама на разварот у выпадку нанясення разметкі ў крайняй левай паласе руху ў дадзеным напрамку;

  — 1.18.6 — направа і налева, а таксама на разварот з крайняй левай паласы ў дадзеным напрамку;

  — 1.18.7 — на бліжэйшую праезную частку дарогі паварот направа забаронены, на наступным скрыжаванні — прама і направа;

  — 1.18.8 — на бліжэйшую праезную частку дарогі паварот налева забаронены, на наступным скрыжаванні — прама і налева, а таксама на разварот у выпадку нанясення разметкі ў крайняй левай паласе руху ў дадзеным напрамку;

  — 1.18.9 — на бліжэйшую праезную частку дарогі паварот направа забаронены, на наступным скрыжаванні — направа;

  — 1.18.10 — на бліжэйшую праезную частку дарогі паварот налева забаронены, на наступным скрыжаванні — налева, а таксама на разварот у выпадку нанясення разметкі ў крайняй левай паласе руху ў дадзеным напрамку;

  — 1.18.11 — на разварот;

  — 1.18.12 — прама і на разварот

• 1.19.
  
  Пазначэнне набліжэння да звужэння праезнай часткі дарогі (участка, дзе змяншаецца колькасць палос руху ў дадзеным напрамку) або да разметкі 1.1 або 1.11, якая раздзяляе транспартныя патокі супрацьлеглых напрамкаў
• 1.20.
  
  Пазначэнне набліжэння да разметкі 1.13
• 1.21.
  
  Пазначэнне набліжэння да разметкі 1.12
• 1.22.
  
  Пазначэнне нумара дарогі
• 1.23.
  
  Пазначэнне паласы, вылучанай для руху маршрутных транспартных сродкаў
• 1.24.1.
  
  Малюнак на праезнай частцы дарогі дарожнага знака 1.20
• 1.24.2.
  
  Малюнак на праезнай частцы дарогі дарожнага знака 1.21
• 1.24.3.
  
  Малюнак на праезнай частцы дарогі дарожнага знака 1.29
• 1.25.
  
  Пазначэнне набліжэння да штучнай няроўнасці
• 1.26.
  
  Пазначэнне штучнай няроўнасці
• 1.27.
  
  Малюнак на праезнай частцы дарогі дарожнага знака 3.24.1
• 1.28.
  
  Малюнак на праезнай частцы дарогі дарожнага знака 7.17. Можа прымяняцца без ўстаноўкі адпаведнага дарожнага знака, пры гэтым устанаўлівае аналагічныя яму патрабаванні
• 1.29.
  
  Выкарыстоўваецца для абазначэння веласіпедных дарожак і размяшчаецца па восі палос руху веласіпедыстаў
• 1.30.
  
  Выкарыстоўваецца для абазначэння пешаходных дарожак і размяшчаецца па восі паласы руху пешаходаў
• 1.31.
  
  Выкарыстоўваецца для абазначэння дарожак, прызначаных для сумеснага руху пешаходаў і веласіпедыстаў і пазначаных знакамі 4.5.1 або 4.6.1
• 1.32.
  
  Выкарыстоўваецца на веласіпедных дарожках перад перасячэннем іх з пешаходнымі дарожкамі або тратуарамі.
• 1.33.
  
  Выкарыстоўваецца для абазначэння напрамку руху веласіпедыстаў па палосах руху, вылучаных разметкай або розным колерам пакрыцця.
• 1.34.
  
  Абазначэнне набліжэння да школы.