Раздзел 1. Агульныя палажэнні

• 1. Дарожная разметка прымяняецца ў адпаведнасці з дадзеным дадаткам і патрабаваннямі тэхнічных нарматыўных прававых актаў рэспубліканскага органа дзяржаўнага кіравання па стандартызацыі, метралогіі і сертыфікацыі.

  Дазваляецца па ўзгадненні з ДАІ нанясенне дарожнай разметкі, не прадугледжанай у гэтым дадатку, у выглядзе малюнкаў дарожных знакаў або іх часткі, апісанне якіх змяшчаецца ў дадатку 2 да Правіл дарожнага руху.

• 2. Дарожная разметка дзеліцца на гарызантальную (лініі, стрэлы, надпісы і іншыя знакі на праезнай частцы дарогі) і вертыкальную (чорныя, белыя, чырвоныя палосы на дарожных збудаваннях і элементах абсталявання дарог).

  Гарызантальная дарожная разметка ўстанаўлівае пэўныя рэжымы і парадак дарожнага руху, а вертыкальная — абазначае элементы дарожных збудаванняў, абсталявання дарог і служыць сродкам зрокавага арыентавання на дарогах.