ПДД.by
Правила дорожного движения
Правильно о Правилах
-
Раздзел 1. Тармазныя сістэмы
- 1. Эфектыўнасць тармажэння рабочай тармазной сістэмы не адпавядае патрабаванням тэхнічных нарматыўных прававых актаў рэспубліканскага органа дзяржаўнага кіравання па стандартызацыі, метралогіі і сертыфікацыі (далей — тэхнічныя нарматыўныя прававыя акты).
- 2. Парушаная герметычнасць гідраўлічнага тармазнога прывада, маецца падцяканне тармазной вадкасці.
- 3. Парушаная герметычнасць пнеўматычнага або пнеўмагідраўлічнага тармазнога прывада, якая вядзе да падзення ціску паветра пры непрацуючым рухавіку болей чым на 0,05 МПА (0,5 кг/см2) за 15 хвілін пасля поўнага прывядзення названага прывада ў дзеянне.
- 4. Не дзейнічае манометр пнеўматычнага або пнеўмагідраўлічнага тармазнога прывада.
-
5.
Стаяначная тармазная сістэма не забяспечвае нерухомага стану:
— транспартных сродкаў з поўнай нагрузкай на ўхіле да 16 працэнтаў уключна;
— легкавых аўтамабіляў і аўтобусаў у падрыхтаваным стане на ўхіле да 23 працэнтаў уключна;
— грузавых аўтамабіляў і аўтапаяздоў у падрыхтаваным стане на ўхіле да 31 працэнта ўключна.
- 6. Рычаг (ручка) кіравання стаяначнай тармазной сістэмай не ўтрымліваецца замыкальнай прыладай.
-
7.
Ёсць:
— дэталі з трэшчынамі або рэшткавай дэфармацыяй;
— не прадугледжаны канструкцыяй кантакт трубаправода тармазнога прывада з элементамі транспартнага сродку.
-