Параграф 1. Папераджальныя знакі

• 5. Папераджальныя знакі інфармуюць кіроўцаў аб набліжэнні да небяспечнага ўчастка дарогі, рух па якiм патрабуе прыняцця мер, якія адпавядаюць дарожнай абстаноўцы.
• 6. Да папераджальных знакаў належаць наступныя:
• 1.1. Чыгуначны пераезд са шлагбаумам.
  
• 1.2. Чыгуначны пераезд без шлагбаума.
  
• 1.3.1. Аднакалейная чыгунка.
  
  Пераезд праз чыгунку з адной каляінай
• 1.3.2. Шматкалейная чыгунка.
  
  Пераезд праз чыгунку з дзвюма і болей каляінамі
• 1.4.1–1.4.6. Набліжэнне да чыгуначнага пераезду.
  
  Дадатковае папярэджанне аб набліжэнні да чыгуначнага пераезду па-за населенымі пунктамі
• 1.5. Перасячэнне з трамвайнай лініяй.
  
• 1.6. Канец дарогі з удасканаленым пакрыццём.
  
  Пераход дарогі з удасканаленым пакрыццём у гравійную або грунтавую дарогу
• 1.7. Перасячэнне з кругавым рухам.
  
• 1.8. Святлафорнае рэгуляванне.
  
  Скрыжаванне, пешаходны пераход або ўчастак дарогі, рух на якіх рэгулюецца святлафорам
• 1.9. Развадны мост або паромная пераправа.
  
• 1.10. Выезд на набярэжную.
  
  Выезд на набярэжную (бераг вадаёма)
• 1.11.1, 1.11.2. Небяспечны паварот.
  
  Закругленне дарогі малога радыуса (1.11.1 — направа, 1.11.2 — налева) або з абмежаванай агляднасцю
• 1.12.1, 1.12.2. Небяспечныя павароты.
  
  Участак дарогі з двума і болей небяспечнымі паваротамі, размешчанымі адзін за другім (1.12.1 — першы паварот направа, 1.12.2 — першы паварот налева). Пры трох і болей паваротах знак прымяняецца з таблічкай 7.7, а таксама можа прымяняцца з таблічкай 7.2.1
• 1.13. Круты спуск.
  
  Спуск, на якім дзейнічаюць спецыяльныя патрабаванні Правіл дарожнага руху (далей — Правілы), якія ўстанаўліваюць парадак дарожнага руху на крутых спусках.

  Знак 1.13 можа усталёўвацца без таблічкі 7.1.1 непасрэдна перад пачаткам спуску, калі спускі і пад’ёмы ідуць адзін за другім

• 1.14. Круты пад’ём.
  
  Пад’ём, на якім дзейнічаюць спецыяльныя патрабаванні Правіл, якія ўстанаўліваюць парадак дарожнага руху на крутых пад’ёмах.

  Знак 1.14 можа усталёўвацца без таблічкі 7.1.1 непасрэдна перад пачаткам пад’ёму, калі спускі і пад’ёмы ідуць адзін за другім

• 1.15. Слізкая дарога.
  
• 1.16.1. Штучная няроўнасць.
  
  Участак дарогі з усталяванай штучнай няроўнасцю (штучнымі няроўнасцямі) на праезнай частцы дарогі
• 1.16.2. Няроўная дарога.
  
  Участак дарогі з няроўнасцямі на праезнай частцы (хвалі, наплывы, грэбень і г.д.)
• 1.16.3. Няроўная дарога.
  
  Участак дарогі, які мае няплаўныя спалучэнні з пакрыццём дарогі ў выглядзе наплыву (пагорка)
• 1.16.4. Няроўная дарога.
  
  Участак дарогі, які мае пашкоджанні пакрыцця ў выглядзе асобных выбоінаў, прасадак
• 1.17. Выкід шчэбню.
  
  Участак дарогі з удасканаленым пакрыццём, на якім магчымы выкід шчэбню з-пад колаў транспартных сродкаў
• 1.18.1–1.18.6. Звужэнне дарогі.
  
  Звужэнне дарогі: 1.18.1, 1.18.4 — з абодвух бакоў, 1.18.2, 1.18.5 — справа, 1.18.3, 1.18.6 — злева
• 1.19.1, 1.19.2. Двухбаковы рух.
  
  Пачатак участка дарогі (праезнай часткі дарогі) з сустрэчным рухам пасля ўчастка дарогі з аднабаковым рухам
• 1.20. Наперадзе пешаходны пераход.
  
  Набліжэнне да нерэгулюемага пешаходнага перахода, пазначанага знакамі 5.16.1, 5.16.2 і (або) гарызантальнай дарожнай разметкай 1.14.1, 1.14.2
• 1.21. Дзеці.
  
  Участак дарогі, на якім магчыма з'яўленне дзяцей з тэрыторыі дзіцячай або іншай установы (школы, аздараўленчага летніка, бальніцы і г.д.), прылеглай непасрэдна да дарогі
• 1.22. Перасячэнне з веласіпеднай дарожкай.
  
  Месца перасячэння веласіпеднай дарожкі з праезднай часткай дарогі.
• 1.23. Дарожныя работы.
  
  Участак дарогі, на якім у вызначаным парадку выконваюцца рамонтныя і іншыя работы
• 1.24. Перагон жывёлы.
  
  Участак дарогі, на якім магчыма з'яўленне жывёлы
• 1.25. Дзікія жывёлы.
  
  Участак дарогі, які праходзіць па тэрыторыі запаведнікаў (паляўнічых гаспадарак, лясных масіваў і г.д.), на якім магчыма з'яўленне дзікіх жывёл
• 1.26. Падзенне камянёў.
  
  Участак дарогі, на якім магчымыя абвалы, апоўзні, падзенне камянёў
• 1.27. Бакавы вецер.
  
  Участак дарогі, на якім магчымыя моцны бакавы вецер або яго раптоўныя парывы
• 1.28. Нізка ляцяць самалёты.
  
  Участак дарогі недалёка ад аэрадромаў або над якім пралятаюць самалёты ці верталёты на невялікай вышыні
• 1.29. Аварыйна-небяспечны ўчастак.
  
  Участак дарогі, на якім часта адбываюцца дарожна-транспартныя здарэнні
• 1.30. Іншыя небяспекі.
  
  Небяспечны ўчастак дарогі, які немагчыма пазначыць іншымі папераджальнымі знакамі
• 1.31.1–1.31.5. Напрамак павароту.
  
  Напрамак руху на павароце дарогі малога радыуса з абмежаванай агляднасцю (знакі 1.31.1, 1.31.2, 1.31.4, 1.31.5); напрамак аб'езду перашкоды для дарожнага руху на ўчастку дарогі, які рамантуецца (знакі 1.31.1, 1.31.2); напрамак аб'езду цэнтральнага астраўка на скрыжаванні з кругавым рухам (знак 1.31.1); напрамак руху на Т-падобным скрыжаванні, разгалінаванні дарог (знакі 1.31.1–1.31.3); напрамак аб'езду ўчастка дарогі, які рамантуецца (знак 1.31.3)
• 1.32. Небяспечная ўзбочына.
  
  Участак дарогі з заніжанай або зруйнаванай узбочынай або на якім вядуцца работы па рамонце ўзбочынаў
• 1.33. Галалёдзіца.
  
  Участак дарогі, на якім магчымыя снежныя заносы або ледзяныя ці снежна-ледзяныя ўтварэнні
• 1.34. Затор на дарозе.
  
• 1.35. Сезонныя міграцыі земнаводных.
  
  Участак дарогі, на якім магчымыя масавыя з'яўленні земнаводных на праезнай частцы
• 7. Знакі 1.1, 1.2, 1.5–1.30, 1.32–1.35 устанаўліваюцца па-за населенымі пунктамі на адлегласці ад 150 да 300 метраў, а ў населеных пунктах — як правіла, на адлегласці ад 50 да 100 метраў да пачатку небяспечнага ўчастка дарогі. Пры неабходнасці (пачатак небяспечнага ўчастка дарогі схаваны ад кіроўцы крутым паваротам, пераломам падоўжнага профілю, будынкам і г.д.) названыя знакі могуць быць усталяваныя на іншай адлегласці, якая ў такім выпадку ўказваецца на таблічцы 7.1.1.
• 8. Знакі 1.1, 1.2, 1.9, 1.10, 1.21, 1.23 паўтараюцца па-за населенымі пунктамі і ўстанаўліваюцца на адлегласці ад 20 да 50 метраў да пачатку небяспечнага ўчастка дарогі. Знак 1.23 паўтараецца таксама ў населеных пунктах і ўстанаўліваецца непасрэдна ў пачатку ўчастка правядзення рамонтных і іншых работ. За пачатак участка трэба лічыць першую па ходзе руху прыладу, якая агароджвае або накіроўвае.
• 9. Знакі 1.3.1, 1.3.2, 1.31.1–1.31.5 ставяцца ў межах небяспечнага ўчастка дарогі або непасрэдна перад ім.
• 10. Знакі 1.4.1–1.4.3 ставяцца на правым баку, а знакі 1.4.4–1.4.6 — на левым баку дарогі.