Параграф 4. Прадпісальныя знакі

• 22. Прадпісальныя знакі прымяняюцца для пазначэння неабходных напрамкаў, умоў і рэжымаў руху.
• 23. Да прадпісальных знакаў належаць наступныя:
• 4.1.1. Рух прама.
  
• 4.1.2. Рух направа.
  
• 4.1.3. Рух налева.
  
• 4.1.4. Рух прама або направа.
  
• 4.1.5. Рух прама або налева.
  
• 4.1.6. Рух направа або налева.
  
  Знакі 4.1.1–4.1.6 дазваляюць рух толькі ў напрамках, паказаных стрэлкамі. Знакі 4.1.3, 4.1.5, 4.1.6 таксама дазваляюць разварот з крайняй левай паласы руху.

  Могуць прымяняцца знакі са змененай канфігурацыяй стрэлак, якая адпавядае паказаным напрамкам руху на канкрэтным скрыжаванні

• 4.2.1. Аб'езд перашкоды справа.
  
  Аб'езд астраўкоў бяспекі і рознага роду перашкодаў для дарожнага руху, якія знаходзяцца на праезнай частцы дарогі, дазваляецца толькі з боку, паказанага стрэлкай
• 4.2.2. Аб'езд перашкоды злева.
  
  Аб'езд астраўкоў бяспекі і рознага роду перашкодаў для дарожнага руху, якія знаходзяцца на праезнай частцы дарогі, дазваляецца толькі з боку, паказанага стрэлкай
• 4.2.3. Аб'езд перашкоды справа або злева.
  
  Аб'езд астраўкоў бяспекі і рознага роду перашкодаў для дарожнага руху, якія знаходзяцца на праезнай частцы дарогі, дазваляецца з любога боку
• 4.3. Кругавы рух.
  
  Дазваляецца аб'езд цэнтральнага астраўка на скрыжаванні (плошчы) з кругавым рухам толькі ў напрамку, паказаным стрэлкамі
• 4.4. Рух легкавых аўтамабіляў.
  
  Дазваляецца рух толькі легкавых аўтамабіляў і матацыклаў
• 4.5.1. Веласіпедная дарожка.
  
  Дазваляецца рух толькі на веласіпедах, а пры адсутнасці тратуара або пешаходнай дарожкі — і рух пешаходаў, пры гэтым пешаходы не павінны ствараць перашкодаў для руху веласіпедыстаў. У ніжняй частцы знака можа быць дадаткова нанесены сілуэт пешахода
• 4.5.2. Канец веласіпеднай дарожкі.
  
  Канец зоны дзеяння знака 4.5.1. У ніжняй частцы знака можа быць дадаткова нанесены сілуэт пешахода
• 4.6.1. Пешаходная дарожка.
  
  Дазваляецца рух толькі пешаходам, а пры адсутнасці веласіпеднай дарожкі — і на веласіпедах, пры гэтым веласіпедысты не павінныя ствараць перашкодаў для руху пешаходаў. У ніжняй частцы знака можа быць дадаткова нанесены сілуэт веласіпеда
• 4.6.2. Канец пешаходнай дарожкі.
  
  Канец зоны дзеяння знака 4.6.1. У ніжняй частцы знака можа быць дадаткова нанесены сілуэт веласіпеда
• 4.7. Абмежаванне мінімальнай хуткасці.
  
  Дазваляецца рух толькі з названай або з большай хуткасцю, але не болей за прадугледжаную пунктамі 88 і 89 Правіл
• 4.8. Канец зоны абмежавання мінімальнай хуткасці.
  
• 4.9.1–4.9.3. Напрамак руху транспартных сродкаў з небяспечнымі грузамі.
  
  Рух транспартных сродкаў з апазнавальнымі знакамі «Небяспечны груз» дазваляецца толькі ў напрамку, паказаным на знаку: 4.9.1 — налева, 4.9.2 — прама, 4.9.3 — направа
• 4.10.1. Дарожка для коннікаў.
  
  Дазваляецца рух толькі коннікам
• 4.10.2. Канец дарожкі для коннікаў.
  
• 24. Дзеянне знакаў 4.1.1–4.1.6, усталяваных перад скрыжаваннем, распаўсюджваецца на ўсё скрыжаванне, калі знакі 4.1.1–4.1.6 або 5.8.1, 5.8.2, усталяваныя на ім, не даюць іншых прадпісанняў (указанняў).

  Дзеянне знакаў 4.1.1–4.1.6 не распаўсюджваецца на маршрутныя транспартныя сродкі, якія рухаюцца па вызначаных маршрутах.

  Дзеянне знака 4.1.1, усталяванага за скрыжаваннем, распаўсюджваецца да наступнага пазначанага скрыжавання. Зона дзеяння дадзенага знака можа быць паменшана прымяненнем таблічкі 7.2.1.

• 25. Знакі 4.2.1 і 4.2.2 могуць прымяняцца групамі (не менш за тры знакі) для пазначэння лініі адхілення траекторыі руху транспартных сродкаў ад перашкоды для дарожнага руху.
• 26. Дзеянне знакаў 4.4, 4.7, усталяваных з таблічкай 7.14 і размешчаных над паласой руху, распаўсюджваецца толькі на дадзеную паласу. Пры адсутнасці таблічкі 7.14 дзеянне гэтых знакаў распаўсюджваецца на ўсе палосы праезнай часткі дарогі дадзенага напрамку. Дзеянне знакаў 4.4, 4.7, выявы якіх нанесеныя на поле знакаў 5.8.1, 5.8.2, 5.8.7, 5.8.8, распаўсюджваецца на адпаведныя палосы руху.
• 27. Дзеянне знакаў 4.9.1–4.9.3 распаўсюджваецца на бліжэйшае скрыжаванне.